قلوب بلون الزمرد
أعطر التحيات ..
.. وأرق البسمـات ..
.. وأروع الكلمـات ..
.. وأجمـل الأمنيـات ..
.. وأغلى الهمسـات ..
وندعوك لقضـاء أحلى الأوقـات
في أعذب وأرقى المنتديـات
ننتظر عطر اقلامك ؛؛
* و رسم احساسك *
.. وبديع فنونك..
بـوح قــلــمــك..
وجــمــيــل عــبــاراتــك....

ادارة المنتدى




 
الرئيسيةالبوابةالتسجيلدخول
منتديات قلوب بلون الزمرد ترحب بكم

شاطر | 
 

  تجربتي مع منظفات الكربيراتير منقول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمن محمود
_
_
avatar

ذكر عدد المساهمات : 3015
النجمه : 7443
المستوى : 10
تاريخ التسجيل : 12/11/2011
البلد : طريق الاسلام
الحاله المزاجيه الان : هادي

مُساهمةموضوع: تجربتي مع منظفات الكربيراتير منقول   الثلاثاء مارس 19, 2013 7:31 pm

السلام عليكم ورحمة الله وبركاته ...
أنا كان ليا إستفسار من مده كده بخصوص تنظيف الكربيراتير الخاص بالبايك , عشان المكنه اللي معايا شادو 600 موديل 1995 ومن ساعة الزيرو والمكنه متحلتش ولا تم تنظيف الكربيراتير فيها أبداً والحمد لله ... فكنت عايز أفك الكربيراتير علشان أنظفه عشان كنت حاسس إن المكنه مكتومه شويه , لكن في ناس كتير جداً خوفوني من موضوع فك الكربيراتير وتنظيفه عشان هو دقيق جداً ولو أتفك مستحيل يرجع زي حالة الفبريكه ,,,
فأحد الأخوه الأعضاء نصحني أولاً بإستخدام منتجات تنظيف الكربيراتير المخصصه للسيارات والتي تباع في محطات البنزين , وقالي جربه والله لو جاب نتيجه يبقي خير و بركه ويبقي بعدنا عن موضوع فك الكربيراتير بقرفه وخطورته , ولو مجبش نتيجه يبقي لا مفر من فكه ...
جيت أنا بقي جايب زجاجه صفراء اللون (( من بنزينة إمارات مصر اللي جنب الموقف الجديد - بالإسكندريه )) مكتوب عليها carb medic وهي أمريكي الصنع وسعره هناك (( 27 جنيه )) وجيت مفول التنك حتي أخررررررررررررره , وجيت حاطط محتوي الزجاجه كلها علي التفويله دي , وجيت سايبها حوالي ربع ساعه مع إمالة المكنه يمين وشمال عشان يكون السائل المنظف أختلط مع البنزين كويس , بعد كده دورت المكنه وفضلت سايبها دايره حوالي ربع ساعه وأنا واقف مكاني عشان أخلص البنزين اللي في الخراطيم , بعد كده جيت ضارب مشوار محترم حوالي 10 كيلومتر عشان بنزين المخلوط بالماده المنظفه يوصل للكربيراتير وكل دورة البنزين للمكنه , وجيت مروح البيت وقافل المكنه وركنها حوالي 24 ساعه تقريباً .
وتاني يوم جيت أدور المكنه كانت المفاجأه ...................
أولاً لقيت المكنه كل شويه لما أدورها تبطل تاني وفي لخبطه في الموتور و دخنه سوده طالعه من الشكمان ...
فضلت مدور المكنه حوالي ربع ساعه لحد لما سخنت تماماً وأنا مذود بنزين عشان كل الوساخه اللي كانت في الكربيراتير تطلع , وبعد كده مشيت بالمكنه لقيت في لخبطه جامده قوي فيها , وكنت ماشي بحرق علي كل غيار لحد لما أجيب أخره خالص .
في الأول كانت المكنه بتلخبط جامد قوي قوي قوي قوي وبتستجيب لكل ذياده في البنزين ببطئ شديد , لكن شويه شويه بدأت العمليه تتظبط .
جيت طالع مشوار طويل شويه حوالي 20 كيلومتر لحد أول الطريق الصحراوي وأنا بحرق علي كل غيار لحد لما أجيب أخره . وبعدها لقيت المكنه بقيت هاديه خـــــــــــــــــــــــا لص ومنتظمه جداً وحاسس إنها فايقه فوقان الزيرو .
جيت راجع ربها تاني وجيت راكنها لحد تاني يوم .
تاني يوم برده عند أول الدواره لقيت المكنه بتلخبط شويه , بس مش ذي اليوم اللي قبله أقل شويه , جيت ضارب بيها مشوار محترم كده وبرده وأنا بحاول أجيب أخر كل غيار وجيت راكنها برده .
اليوم اللي بعده وعند الدواره لقيت المكنه فاقت أكتر وبقيت هاديه جداً جداً .
و اليوم عديت علي بنزينه جيت مفولها علي الأخر ومشيت بيها , لقيتها أفضل بكتر من قبل كده وبقيت هاديه وصوتها مظبوط و الموتور هادي جداً جداً جداً ومفيهوش لخبطه خالص . وطبعاً التأثير النهائي ده ظهر لما أثار الماده المنظفه خلصت من البنزين وأصبحت الدنيا سالكه علي الأخر . والحمد لله الموضوع ده خلاني مش محتاج قصة فك الكربيراتير .
عشان كده اللي مقبل علي مرحلة فك الكربيراتير الأفضل إنه يجرب المنتجات دي الأول جايز تجيب معاه نتيجه تغنيه عن حل الكربيراتير .
والموضوع ده بناء علي تجربه شخصيه وأنا عامله للإفاده للجميع إن شاء الله . ولا تنسونا بخالص دعائكم .

۞ ق ۞ ل ۞ و ۞ ب ۞ ب ۞ ل ۞ و ۞ ن ۞ ا ۞ ل ۞ ز ۞ م ۞ ر ۞ د ۞






اللهم اجعلناواياكم من ورثة الفردوس الأعلى
اللهم آميييييين
الرجوع الى أعلى الصفحة اذهب الى الأسفل
ايمن محمود
_
_
avatar

ذكر عدد المساهمات : 3015
النجمه : 7443
المستوى : 10
تاريخ التسجيل : 12/11/2011
البلد : طريق الاسلام
الحاله المزاجيه الان : هادي

مُساهمةموضوع: رد: تجربتي مع منظفات الكربيراتير منقول   الثلاثاء مارس 19, 2013 7:34 pm



موضوع البوجيه اللى بيبوظ من الكربون فى الحالات دى من الممكن تديها مشوار حلو حوالى 20 كيلو مع القرص شويها والبوجيهات هاتنضف ان شاء الله بس يكون الطريق طوالى موش فى الزحمة

أنا فعلاً ناوي أضرب المشوار ده عشان نتلافي موضوع الكربون اللي علي البوجيه .


المشاركة الأصلية كتبت بواسطة johnghaly


ربنا يحميك يا بوشى ويحافظ على كل المكن وشكرا اوى على المعلومات يا سان سيمون انت وبوشى

أمين يا رب , ربنا يحمينا كلنا إن شاء الله , ولا شكر علي واجب يا باشا .


المشاركة الأصلية كتبت بواسطة tafa17


حلوة معلومة البوجيه دي
الواحد كده هايكشف عليه احتياطي
والف مبروك يا بوشي علي التنظيف بدون فك الكربيراتير
وربنا يحميك

الله يبارك فيك يا زعيم .

۞ ق ۞ ل ۞ و ۞ ب ۞ ب ۞ ل ۞ و ۞ ن ۞ ا ۞ ل ۞ ز ۞ م ۞ ر ۞ د ۞






اللهم اجعلناواياكم من ورثة الفردوس الأعلى
اللهم آميييييين
الرجوع الى أعلى الصفحة اذهب الى الأسفل
 
تجربتي مع منظفات الكربيراتير منقول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قلوب بلون الزمرد :: الفئة الأولى :: منتدي الصيانه-
انتقل الى: