قلوب بلون الزمرد
أعطر التحيات ..
.. وأرق البسمـات ..
.. وأروع الكلمـات ..
.. وأجمـل الأمنيـات ..
.. وأغلى الهمسـات ..
وندعوك لقضـاء أحلى الأوقـات
في أعذب وأرقى المنتديـات
ننتظر عطر اقلامك ؛؛
* و رسم احساسك *
.. وبديع فنونك..
بـوح قــلــمــك..
وجــمــيــل عــبــاراتــك....

ادارة المنتدى




 
الرئيسيةالبوابةالتسجيلدخول
منتديات قلوب بلون الزمرد ترحب بكم

شاطر | 
 

 بعد اذنك ياريس

اذهب الى الأسفل 
كاتب الموضوعرسالة
اشرف عبدالمنعم
_
_
avatar

ذكر عدد المساهمات : 3125
النجمه : 44886
المستوى : 24
تاريخ التسجيل : 12/11/2011
البلد : القاهره
الحاله المزاجيه الان : هادى

مُساهمةموضوع: بعد اذنك ياريس   الجمعة يونيو 30, 2017 8:48 pm

والنبى يا ريس ما تترشح تانى لإن الشعب المصرى شعب نمرود ومايستاهلشى الانجازات اللى انت بتعملها عشانه . 

ده شعب  غبي يا ريس  ومش فاهمك ولا يستاهلك تحكمه. 
فياريت بقي يا ريس لو سمحت يعني ترتاح وتسيب الشعب يولع بجاز 
بس قبل ما تمشى ياريس ياريت تسلمنا البلد تاني بس بالدولار ابو 7 جنيه. 
وبالجزيرتين تيران وصنافير .

وبالديون الخارجية اللي كانت 35 مليار دولار مش 67 مليار وبالدين الداخلي اللي كان ترليون مش 4 ترليون .

وبال٣٠ مليار دولار مساعدات الخليج اللى جولك بعد 30/6 وماتقلقشى عليهم هنبنى بيهم مصانع تشغل الشباب .

وترجعلنا الشباب اللي ماتو سواء مدنيين او عساكر وضباط .
وترجعلنا العدس ابو ١٤ والفراخ ام ١٥ واللحمة ام ٦٥.
والسكر ابو ٤ والرز ابو ٣ والزيت ابو ٩ .

وياريت كمان يا برنس تلغي اتفاقية عنتيبي مع اثيوبيا ! احنا عاوزين نعطش متشغلش بالك. 

وتلغي اتفاقية ترسيم الحدود البحرية اللي طارت فيها حقول البترول المصرية وراحت لقبرص احنا هنعرف نرسمها متخفش علينا .

وترجع لفرنسا الكام طيارة رافال ( أغلى طائرة فى العالم و ثمنها 100 مليون دولار ) وكفاية علينا ال 16 - F احنا ناس دقة قديمة و مش وش نعمة.

و حاملات الطائرات الفرنسية الميسترال اللى ثمنها 3 مليار دولار اللى ممكن بصاروخ أكسوزيست صناعة فرنسا برضه ( ثمنه مليون دولار بس ) تتضرب فى ثانية ويبقى بخ في قاع البحر .

آه وبالمرة كدة تفكنا من القناة الجديدة وتردمها تاني وترجعلنا 8 مليار دولار وكفاية علينا القناة القديمة والقرشين اللي بتجيبهم احنا اصلا شعب غاوي فقر وكمان لانها مانع مائي ضخم جيشنا مش هيعرف يعبره لو اسرائيل احتلت سينا تانى إنت يا برنس رجل عسكري وفاهم الكلام ده .

اما بالنسبة بقي لمشاريعك الجهنمية اللي بتخاف عليها من الاشرار زي مشروع المزارع السمكية بتاع الجمبري ياريت تلغيها احنا شعب معدته واخدة ع الفول والطعمية والكشري ومنعرفش شكل الجمبري كتر الف خيرك ونوفر الكام مليار بتوعهم يا برنس .

وترجعلنا السياحة اللى ضاعت زى ما كانت يا ريس بعد ما فجرولك طيارة وخطفولك طيارة وعذبت ريجينى وضربت السياح المكسيكين.

وترجعلنا سينا من غير قتل وتهجير  أهلها وهدم بيوتهم وماتقلقشى  احنا هنصرف عليها وننميها . 

وترجع الزيادات اللى صرفتها للجيش والشرطة والقضاء لإنهم مايستهلوهاش وماتشغلشى بالك هنوزعها على فقراء المصريين . 

وياريت كمان ياريس تلم سبوبة عربيات الخضار واللحمة بتاعة الجيش وكفاية علينا وقوفنا طوابير على مجمعات وزارة التموين وأهو الجيش يركز فى شغله فى سينا .

والمفاعل النووي اللي روسيا هتعملة بقرض طويل الاجل 26 مليار دولار ياريت يا برنس يتلغي هو كمان احنا شعب بنغرق وبنتكهرب من شوية مطر لإن البنية التحتية متهالكة مش ناقصنا مفاعل نووي يمحينا من ع الخريطة والشمس طاقة نظيفة ومستدامة وأرخص من النووي كمان .

اة وبالمرة يا ريس وانت ماشي تبقي تروح البنك هنرجعلك تحويشة عمرك اللي كنت اتبرعت بيها اول اسبوع مسكت البلد خليهم معاك تصرف منهم. 

وبالنسبة لقرض صندوق النقد تبقي رجع للناس فلوسها دي حتي فلوس منظورة ومش محتاجينها وحرام شرعاً .

وياريت ياريس تلم لجانك الاليكترونية من عالفيس لإن الناس فهمت وعرفت كل حاجة واهو نوفر فلوسهم لحاجة مفيدة كمان.

وحاجة اخيرة يا ريس ياريت كمان وانت ماشي تبقي تاخد معاك الارهاب المحتمل في ايدك عشان ملهوش مكان في مصر من بعدك ...."#منقولة

۞ ق ۞ ل ۞ و ۞ ب ۞ ب ۞ ل ۞ و ۞ ن ۞ ا ۞ ل ۞ ز ۞ م ۞ ر ۞ د ۞













الرجوع الى أعلى الصفحة اذهب الى الأسفل
http://help.ahlamontada.com/t1040297-topic#4659596
 
بعد اذنك ياريس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قلوب بلون الزمرد :: الفئة الأولى :: منتدى المواضيع العامه الغير متجدده-
انتقل الى: