استفتاء لاعضاء المنتدى

الاسباب:


1-لا يوجد فى المسوده ما ينص على تعيين نائب للرئيس و قد كان مطلب ثورى .

2- مسموح لمزدوجى الجنسيه الترشح للرئاسة مادة (136) .

3- من حق الرئيس تعيين كل رؤساء الاجهزةالا
جهزة الرقابية والتى من واجبها الرقابه على أعمال الحكومه والرئيس مادة (204) .

4- له حصانه برلمانية مدى الحياة لعضويته فى مجلس الشيوخ ولا توجد طريقه لمحاكمته الا التلبس مادة (130) .

5- من حق الرئيس تعيين الضباط العسكريين وعزلهم دون وضع قيد .

6- يكلف الرئيس رئيس الوزراء تشكيل الوزارة دون وضع معايير لأختيار رئيس الوزراء .

7- من حق الرئيس أعلان حالة الطوارئ بعد موافقة مجلس الوزراء ثم يعرض علي البرلمان وليس العكس .

8- من حق الرئيس حل مجلس الشعب فى حالة أعتراض البرلمان على تشكيل الحكومة مرتين متتاليتين دون قيود .

9- تدرج جميع نفقات رئاسة الجمهوريه والأجهزة الرقابية التابعه لها للميزانية العامه للدولة وتخضع لرقابة الجهاز المركزى للمحاسبات التابع للرئاسة وهو جهاز للإحصاء فقط وليس للمحاسبة .

10- يعين الرئيس ١/٤ أعضاء مجلس الشيوخ والذى من صلاحياته امكانية الاعتراض وتعطيل إى قانون صادر عن مجلس الشعب .

11- حق الرئيس ان يختار قضاة المحكمه الدستوريه المسئوله عن محاسبة الرئيس شخصياً والحكومة والبرلمان عن عدم دستورية إى قانون يتم اصداره .

12- لا ذكر لأستقلال الهيئات القضائية أوالطب الشرعى وقد كان مطلب شعبى .

13- تقليص دور الجهاز المركزى للمحاسبات لمراقبة الأموال العامه فقط وليس الخاصة وتلك كارثة مادة (206) .

14- إلغاء الأشراف القضائى الكامل على الأنتخابات وإسنادها إلى مفوضيه مع عدم وجود معايير لأختيار أعضاء المفوضيه مادة (210) .

15- الأقتراع والفرز سيقوم به تابعون للمفوضية ولا توجد آليات محدده لإختيار هؤلاء التابعون ولا تحديد من يقوم بالأختيار .

16- لم يتم ذكر من يعين محافظ البنك المركزى ولم ينص على تقديم تقرير العمل لمجلس النواب .

17- لا يجوز تغيير مواد الدستور قبل عشر سنوات مادة (220)

سيد ابو الروس كتب:

انا بقول نعم اولا لتطبيق الشريعه الاسلاميه

ثانيا استقرار البلاد مش معقول ابدا نفضل على هذا الحال

ونبقى لعبه فى ايد البلطجيه والنظام القديم اللى جوعنا وخلانا فى الحضيض

ثالثا نسيب الراجل يشوف شغله وهى الفتره المحدده اربع سنين وهذا من حقه

رابعا انا ماليش دعوه بكل اللى قلتيه يا اسوار عن مواد الدستور

انا اللى يهمنى احس بالفرق بين الماضى والحاضر

الدستور ده ياسيد مش لاربع سنين بس..وبعدين عايز تطبق الشريعة
فى شعب كله فقر وجوع وعشوائيات وجهل .
وبعدين ايه هى الشريعة من وجهة نظرهم...
اقولك انا بقى .. ان الشريعة من وجهة نظرهم هى حزب وطنى جديد بس باسم جديد
واشخاص جدد ... واحنا نفضل زى ما احنا ونرجع تانى للى كنا فيه.
الشريعة اللى بيتكلموا عنها هى تطبيق المصالح والمناصب ليهم ..

انا بتمنى طبعا ان بلادنا تطبق فيها الشريعة.. بس لما نلاقى حاكم فيها بيطبق الشريعة على نفسه
وبعدين دستور ايه ده اللى احنا مش عارفين مين اللى حطه.. كل شويه حد ينسحب ومعرفش حد تانى ايه

وفى الاخر فاكرين ان الشعب لسه اهبل.

احنا عايزين دستور يطبق شرع الله على الكل ... بس ده لما يبقى فيه حاكم يخاف الله.